Најмалку три лица се убиени а неколкумина се повредени во напад со нож во црква во Ница, Франција.
Нападот се случил рано утринава во базиликата Нотр Дам во центарот на градот. Неофицијални информации од француските медиуми велат дека жртвите биле и обезглавени.
Како што пренесува „Гардијан“ полицијата го опишала местото на настанот како „визија за хорор“.
Напаѓачот бил застрелан од полицијата и префрлен во болница.
Градоначалникот на Ница, Кристијан Естроси, изјавил дека напаѓачот повторувал „Алаху Акбар“ повеќепати додека го носеле. Порачал и дека „веќе е доволно“ и дека исламскиот фашизам мора да исчезне од земјата.
Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1
— Christian Estrosi (@cestrosi) October 29, 2020
Кон местото на настанот тргнал и францускиот претседател Макрон.
Нападот се случува само две недели по обезглавувањето на професорот по историја кој им покажувал на учениците карикатура од пророкот Мухамед при дискусија за слобода на говор.
Quartier Notre Dame bouclé à #Nice06 après 1 attaque au couteau dans la basilique. Les sources font état d’au moins 1 mort et plusieurs blessés. L’auteur des faits aurait été neutralisé par la @PMdeNice. La piste terroriste est envisagée a annoncé le maire de Nice @cestrosi pic.twitter.com/cgXxjsrP9H
— Baptiste Coupelon (@b_coupelon) October 29, 2020