Балканската ѕвезда, Здравко Чолиќ вели дека добро се справил со периодот на изолација и вонредната состојбаосвен што морал да ги откаже концертите.
– Ги почитував сите мерки, инаку сум доста дисциплиниран. Го искористив вишокот слободно време за лична надградба. Искрено, мислев дека короната е како грип и нема да трае подолго од два месеци. Не велам дека вирусот ќе исчезне, верувам дека ќе живееме со короната како со грип. Кој сака,нека се вакцинира, кој не – нема. Кога сте изолирани, мора да направите нешто. Се фрлив на компонирање песни за нов албум. Досега имам 17-18 песни. Сакам шарени албуми кои не се монотони. Некако во поп-музиката се подразбира дека имате некои брзи песни, средни, лесни … Ништо не може да се испланира сега, но најверојатно ќе издадам нов албум кон средината на следната година или на есен, рекол тој за novosti.rs .
А во однос на новите концертни правила Чолиќ вели:
– Тоа е нешто што не е финансиски исплатливо. Една утопија, што се однесува до финансиите. Да се има една личност на квадратен метар или две може да биде за настапи што се итни, но да се биде постојана пракса е невозможно. Значи, само за доброто на настанот што треба да се одржи по секоја цена. Неодамна, Бајага ми ги испрати песните „Твоје очи“ и „Моја драга“ кои ги сними за својот нов албум. Ми се допаѓаат затоа што тој ги правел поинаку од мене. Потоа рече дека се подготвува со „Инструкторите“ за концертот во Скопје. На стадионот може да се сместат 10.000 луѓе, а на нивниот концерт имало 2.000. Тоа ми нема атмосфера. Проблемот е во тоа што енергијата се разлева кога човек е до човек. Подобро е кога 200 луѓе се едни покрај други, отколку 3.000 разделени. Веднаш штом ќе ги одделите луѓето, нема повеќе енергија. Слушнав дека веќе се организираат концерти во Тајланд каде публиката носи маски. И тие пеат со нив, рекол Чолиќ.
Извор и фото: novosti.rs