Српскиот репрезентативен бек-шутер, Богдан Богдановиќ, од следната сезона би можел да го носи дресот на Милвоки Бакс и да биде соиграч со Јанис Антетокумпо.
Челниците на Милвоки сериозно ја набљудуваат ситуацијата со кошаркарот на Сакраменто Кингс и очекувањата се дека ќе тргнат по неговите услуги, со оглед на неговата „restricted free agent“ состојба. Кингси имаат право да му го понудат истиот договор на Богдановиќ како и другата заинтересирана страна.
Дваесет и осумгодишниот поранешен играч на Партизан, размислува за промена на средината, а Милвоки се надева на трансформација на првиот состав и доведување играчи по „мерка“ на Јанис и Крис Мидлтон во обидот за освојување на НБА титула.
Богдановиќ во регуларниот дел од сезоната имаше во просек по 15 поени.