Во полуфиналето од баражот на Лигата на Нациите, вреден место на Европското првенство во 2021 година, момците на Љубиша Тумбаковиќ целосно го надиграа противникот, иако продолженијата по регуларните 90 минути оставаат поинаков впечаток.
Најдобриот поединец кај Србите убедливо беше фудбалерот на Лацио, Сергеј Милинковиќ-Савиќ. Савиќ му донесе водствто на својот тим во 82 минути по проигрувањето од Александар Митровиќ и кога мислеа сите дека Србија оди на мегдан против Шкотска или Израел, Матиас Норман го изедначи резултатот и го одведе мечот во продолженија.
Во 102-та минута од полуфиналниот дуел, Милинковиќ-Савиќ го оконча резултатот на неверојатно смирен и фудбалски генијален начин, небаре се работи за пријателски двобој помеѓу две екипи на „термин“ од мал фудбал.
The filthiest chip from Milinkovic-Savic to put Serbia in front against Norway.
Imagine having the balls to do this in a Euro 2020 play-off.pic.twitter.com/1DHBaMbQlP
— Sam Street (@samstreetwrites) October 8, 2020
Србија во финалето во баражот во Белград ќе игра против репрезентацијата на Шкотска и ќе брка прв пласман на Европско првенство по цели 20 години.