Американскиот претседател Доналд Трамп ја завршил терапијата на лекување од коронавирус и викендов се очекува да се врати на своите јавни должности, најави денеска неговиот доктор Шон Конли.
Како што пренесува „Би-Би-Си“, докторот рекол дека Трамп исклучително добро реагирал на терапијата и е во стабилна состојба.
Коронавирусот на американскиот претседател му беше дијагностициран пред 10 дена и врз основа на напредната дијагностика што ја користи медицинскиот тим, докторот вели дека Трамп е спремен да се врати на своите јавни должности.
Трамп денеска ќе биде повторно тестиран, а најверојатно ќе се појави и на нов предизборен митинг во Флорида, овој викенд.