Поради сообраќајна несреќа едната лента од Регионалниот патен правец Делчево – Македонска Каменица е затворена. Според информации на очевидци возачи во сообраќајната несреќа учествувале патнички возила од марката „фолксваген пасат” и „голф”.
– Несреќата е кај мостот кај местото викано Рибнички пат. Возилата се движат само по едната страна од патот бидејки другата е блокирана од возилата пасат и голф, информираат возачи од местото на несреќата.
Од полицијата го потврдија случајот и повеќе детали најавија во текот на денот. Додадоа дека за кратко време сообраќајот ќе биде нормализиран. Не е потврдено дали има жртви во сообраќајната несреќа.