Во рамките на еден од четирите „Гренд Слемови“ кои традиционално се игра на лето, но поради пандемијата на коронавирусот се помести неколку месеци нанапред, ултимативниот шампион и освојувач на „Ролан Гарос“, ја започна својата потрага по уште еден трофеј на популарната „шљака“.
Во таа потрага Рафаел Надал во 1/32 финалето се соочи со американскиот тенисер Meкензи МекДоналд кој на АТП листата се наоѓа 234 места позади Шпанецот и го совлада со 3:0 во сетови (6:1, 6:0, 6:3).
Познатиот бренд за брза храна ,,Бургер Кинг“, ја искористи оваа прилика на социјалната мрежа „Твитер“ да се пошегува малку со „кралот“, но и да го „пецне“ конкурентот во оваа индустрија.
На фотографијата со официјалниот резултат од мечот, „Бургер Кинг“ коментираше: „Рафаел Надал, ти веројатно сè уште си гладен“, aлудирајќи на големината и квалитетот на бургерите и производите кои нивната конкурентска компанија ги нуди на своите купувачи.
