Вонредна седница на Советот за безбедност на ОН за регионот Нагорно Карабах, во кој дојде до до сериозен судири меѓу ерменските и азербејџанските безбедносни сили, ќе се одржи денес на барање на повеќе европски земји, изјавија пренесуваат агенциите.
Според последниот биланс, во конфликтот загинаа најмалку 67 лица. Ерменија и Азербејџан се борат со децении околу Нагорно Карабах. Во судирите за контрола на Нагорно Карабах помеѓу 1988 и 1994 година загинаа 30.000 луѓе, а стотици илјади избегаа. Примирјето беше потпишано во 1994 година, но Баку и Ереван не се согласија за правниот статус на спорната област, која сè уште официјално е дел од Азербејџан. Оттогаш, во оваа област повремено избувнуваат конфликти. Областа се наоѓа помеѓу Иран, Русија и Турција.