Со порака на 11 годишно девојче за проблемот со кој се соочува, а тоа е растот Здружението „Раст“ го одбележува денешниот ден како Светски ден за подигнување на свесноста за раст кај децата.
„Немам кому да пишам, кого да прашам барав на интернет се што е поврзано со растот на висината и на интернет ми се појави контакт од Здружението „Раст“ ве молам да ми помогнете. Имам 11 години, а мојата постара сестра 15 години. Очајна сум постојано и тоа е многу тажно. Сите мислат дека сме врснички, дури и некои дека јас сум постара. До пред короната минатата година тргнав во училиште но повеќе бев дома отколку на училиште, затворена во соба. Дома постојано се враќав со плачење, дека децата се потсмеваат со мене колку сум малечка и случајно да не сум го згрешила училиштето“, овие зборови на 11 годишно девојче кое се соочува со проблеми со растот ги сподели претседателот на Здружението „Раст“, како вовед на прес конференцијата.
Таа во писмото вели дека нејзините родители се обиделе да ја утешат, и не биле многу загрижени затоа што мислеле дека има време да порасне и дека не е сериозно, така им изгледала слатка и мила.
„Но синоќа ја слушнав и мајка ми како плаче, и му кажува на татко ми дека времето за лекување на мојата даде поминало. Дека никогаш нема да ја имам таа шанса да пораснам и да бидам здрава како што треба. Слушнав нешто поврзано со срцето и метаболизмот и дека може да влијае на здравјето кога ќе бидам возрасна. Многу сум загрижена чичко Александар, те молам да ми помогнеш“, беа зборовите на 11 годишно девојче.
Кај нас во Македонија има преку 60 деца кои чекаат на листата за терапија. Петровкси вели дека повеќе од 10 години активна работа на здружението „Раст“, 8 летни едукативни кампови, 7 по ред светски денови за подгинување на свесноста за раст кај децата, бројни прес конференции, гостувања во отворени емисии се уште нема измени.
„Дали знаете дека овие деца ако не се лекуваат кога ќе бидат возрасни имаат зголемена појава на сцреви заболувања, заболувања на кардиоваскуларниот систем, мозочни удари, депресија, зголемена телесна тежина“, изјави Петровски.
Тој вели дека и родителите треба да бидат повнимателни со своите деца, барем два пати годишно да ги мерат децата и да се побара помош од ендокринолог.
„Факт е дека доцна се дијагностицираат од самите родители, но и дел од одговорноста е на самите матични педијатри. Но исто така голем фактор е причинител што државата е ограничена, односно веќе 10 години сме забетонирани со една бројка на лекувани пациенти, 100, 102, 105. Нашето здружение направи една детална анализа која што беше ставена на маса кај министерот за здравство, без дополнителни финансиски импликации да се реши проблемот, барем да се зголеми бројката за 15 до 20 деца. Тендецијата на паѓање на цената по милиграм на хормонот за раст, ми дава за право да кажам дека деца кои реално чекаат на листите да примат терапија“, вели Александар.
Вели овој податок е неофицијален затоа што листите за чекање се прават врз основа на конзилијарни мислења од страна на Детската клиника, бидејќи се чека терапијата на одреден пациент да заврши, а на негово место да се стави нов пациент.
Раното упатување е најдобро, и раната дијагностика по раното упатување, вели директорката на Детската клиника Наташа Алуловска.
„Не секое дете кое ќе се процени како ниско има потреба од терапија за хормонот за раст, треба да следи дијагностички протокол од детска ендокринологија и да се процени кое дете и кога има потреба од терапија. Проценката од терапија ја прави стручниот колегиум на тимот на ендокринологија и со нивна согласност се поднесува барање за детето да се вклучи на оваа терапија“, вели Алуловска.
Простор за подобрување има секогаш, но во последните години имаме порано реферирање на децата со дијагностика, порано постоеше еден таков проблем на задоцнето упатување на пациентите, но сега вече во последните години пациентите навреме се упатуваат и тие дијагностички се изгледуваат за да се постави конечна дијагноза и да се види потребата од терапија, вели директорката на Детската клиника, Алуловска.