Германската влада ја поздрави веста денес дека состојбата на рускиот опозициски лидер Алексеј Навални дополнително се подобри и потврди дека Москва испратила уште едно барање за судска помош до Германија во тој случај.
Навални, на кој му се влоши здравствената состојба на домашен лет во Русија на 20 август, вчера објави селфи фотографија од болницата Карите во Берлин, каде се лекуваше скоро четири недели, пренесува АП.
„Сè уште не можам да направам скоро ништо сам, но вчера успеав да дишам сам по цел ден“, напиша Навални.
„Германската влада воздивна од најновите вести од Карита, според кои здравствената состојба на Алексеј Навални дополнително се подобри“, изјави за новинарите портпаролката на владата Улрике Демер.
„Охрабрувачки е и германската влада му посакува на г. Навални брзо и целосно закрепнување“, додаде таа, пренесува Танјуг.
Германија побара Русија да одговори на прашањата за труењето на Навални, откако германската воена лабораторија го потврди присуството на „новодојденец“ во неговото тело, нервен агенс од времето на Советскиот период, поврзан со обидот за атентат врз критичарите на Кремљ.
Русија ја отфрли сугестијата дека учествувала во труењето на Навални и ја обвини Германија дека не им ги доставувала потребните информации на истражителите кои работеле на случајот.
Одделно, германското Министерство за правда објави дека добило уште едно барање за судска помош од Русија.
Преземено од: http://www.politika.rs/