Денеска и утре (14 и 15 септември) се реализира вториот уписен рок на Универзитетот „Гоце Делчев“- Штип.
По првиот рок се останати вкупно 2910 слободни места, од кои 1574 за редовни студенти во државна квота, 765 за редовни студенти во квотата со кофинансирање и 571 за вонредно студирање.
Пријавувањето на кандидатите повторно е онлајн, преку апликацијата која може да се најде на eupisi.ugd.edu.mk. Документите студентите можат да ги достават на пунктовите во Штип (Пред правен и Факултет за образовни науки) и во наставните центри на УГД во Скопје, Кавадарци, Струмица и Гевгелија.
Примените кандидати од првиот уписен рок исто така може да ги доставуваат своите документи на овие пунктови.