Со грант од јапонската амбасада во висина од 50.000 евра целосно е реконструиран детскиот оддел во кавадаречката болница, со што се создадени подобри услови за најмладите.
„Средствата беа целосно беа наменети за реновирање на детското одделение и овозможивме подобрување на условите за вработените и од друга страна прекрасен амбиент за сместување на нашите најмлади пациенти“ изјави директорот на болницата д-р Диме Коцев и искажа голема благодарност за донацијата до амбасадорката на Јапонија, Кеико Ханеда која направи увид на детското одделение.
“Наша најискрена желба, односно на јапонскиот народ е да придонесеме за поодобриот живот и стандард во Северна Македонија. Искрено се надевам дека нашето пријателство ќе продолжи и ќе трае“ – рече Ханеда.
Амбасадорката имаше средба и со градоначалникот на Кавадарци Митко Јанчев на која се разговарало за соработка и подготовка на проекти во областа на економијата.
Ангел Данов