Почна уривањето на дивоградбата кај ТЦ Мавровка – ММС
ММС

Објавено на: 09/2/20 9:49 AM

Почна уривањето на дивоградбата кај ТЦ Мавровка

Кај ТЦ Мавровка во Скопје претпладнево почна уривањето на дивоградбата. Донесена е градежна механизација, а локацијата ја обезбедува полиција.

Уривањето го врши ЈП за Јавно претпријатие за одржување и заштита на магистралните и регионалните патишта.

Владата на својата прва седница одржана вчера донесе одлука да му препорача на Управниот одбор на Јавно претпријатие за одржување и заштита на магистралните и регионалните патишта да донесе одлука за ангажирање на потребна механизација, средства за работа и вработени, за уривање и демонтирање на бесправно изграден градежен објект што се наоѓа пред ТЦ Мавровка, без надоместок кон Општина Чаир, односно од сопствени средства.

Во рамките на оваа одлука Владата им препорачува на Општина Чаир и Јавно претпријатие за одржување и заштита на магистралните и регионалните патишта да ги регулираат меѓусебните права и обврски да склучат Договор за отстранување на бесправно изграден градежен објект, делови од објекти и бесправно поставени објекти.

По исполнување на обврските од договорот, Општина Чаир и Јавно претпријатие за одржување и заштита на магистралните и регионалните патиша, во рок од седум дена, се задолжени да подготват и до Владата да достават соодветна Информација за извршување на обврските од одлуката.

МИА