Експлозија на гасоводот во близина на главниот град Дамаск доведе до општ прекин на електричната енергија во Сирија, објави сириската државна телевизија, повикувајќи се на Министерството за енергетика, а Министерството за нафта не ја исклучува можноста дека може да се работи за терористички напад.
„Експлозијата на арапскиот гасовод меѓу округот Думаира и Адра во провинцијата Дамаск доведе до целосен прекин на електричната енергија во Сирија“, изјавил министерот за енергетика, Зуеир Харбутли.
Сирискиот министер за нафта и минерални суровини, Али Ганем, пак, изјавил дека експлозијата на гасоводот што го снабдува јужниот регион на земјата може да биде терористички напад.
.Надлежните соопштуваат дека санирањето и поправките почнале веднаш по експлозијата и оти ситуацијата брзо ќе се врати во нормала.