Американската вселенска агенција НАСА соопшти дека на втори ноември покрај планетата Земја ќе помине астероид.
Како што наведуваат, астероидот означен како „2018VP1“ има дијаметар малку помал од два метра и се проценува дека неговото влијание врз нашата планета најверојатно би било мало.
Експертите велат дека проценетата веројатност астероидот да ја погоди Земјата е 0,41 процент.
„Си-Ен-Ен“ како интересен факт го наведува тоа што астероидот ќе мине покрај Земјата само еден ден пред претседателските избори во САД.