Доктор Јетон Шаќири ќе биде министер за информатичко општество и администрација, предложен од Демократската унија за интеграција (ДУИ), информира весникот Коха.
Веста за весникот ја потврди и ДУИ. Оттаму велат дека Шаќири ќе биде нивниот кадар во Владата и ќе управува со Министерството за информатичко општество и администрација.
Првиот предлог за министер, Ширет Елези не помина пред највисокото партиско тело.
Новиот предлог, Шаќири, е близок соработник на струшкиот градоначалник Рамиз Мерко. Шаќири е професор на Меѓународниот универзитет во Струга, кој се поврзува со Мерко, а дел од својот работен век помина и како директор на струшкото претпријатие Водовод и канализација.
Владата со новите предлози треба да биде избрана од Собранието до 2 септември.