Еден странец преправен како Бетмен дели храна на бездомниците низ улиците на Сантијаго и им дава утеха на оние на кои им е потребна, по неколкумесечни рестриктивни мерки во главниот град на Чиле заради новиот коронавирус, пренесуваат чилеанските весници.
Маж во сјаен костум на Бетмен, опремен со заштитна маска поради Ковид-19, редовно доставува неколку десетици чинии со топол оброк на бездомниците низ целиот Сантијаго.
Тој рече дека сака да остане анонимен.
https://www.youtube.com/watch?v=1wFp4MBUfPQ&feature=emb_logo
„Погледнете наоколу, ако можете да посветите малку време, да дадете малку храна, засолниште, понекогаш збор за охрабрување на оние на кои им е потребно, сторете го тоа“, рече тој, додавајќи дека целта на маскирањето е да се донесе радост и да се обединат луѓето.
Ограничувањата наметнати да се запре ширењето на коронавирусот ја уништија државната каса во Чиле, а невработеноста се зголеми.
Симон Салвадор, еден од примателите на помошта, вели дека потегот на странците е „ценет“ и дека „вистинските чувства се очигледни“, со или без костимот на Бетмен.