Професори во турскиот црноморски регион Орду дизајнираа робот кој ќе помага во борбата против Ковид-19, јавува агенцијата Анадолија (АА).
Шестмиа професори кои работат во Центарот за наука и уметност „Д-р М. Хилми Ѓулер“ во Орду, Турција, поврзан со Националното Министерство за образование, денеска соопштија дека развиле робот што мери температура, дава маски и средства за дезинфекција и ги контролира автоматските уреди.
Професорите кои се специјалисти за кодирање, софтвер, дизајн, механичка и електрична енергија, го дизајнираа роботот и го произведоа со 3Д принтер. Сместен на влезот од зградата, роботот ќе ја мери температурата на оние што сакаат да влезат и доколку температурата е висока, нема да дозволува вратите да се отворат. Доколку температурата е нормална, ќе им дава на гостите маски и дезинфекција.
Онур Бекјурек, директорот за образование во областа, изјави дека прототипот на роботот чини 1.000 долари.
„Веруваме дека оваа бројка ќе се спушти на 700 долари доколку започнеме со масовно производство“, рече тој, додавајќи дека роботот може да се користи во сите училишта и институции во Турција.