Земјите ширум светот мака мачат со младите кои со попуштање на мерките одлучиле да се вратат на опуштениот живот. Излегувања во барови и клубови, журки на отворено и не вниманието за одржување на дистанца довеле до тоа да има многу заболени од корона вирусот. Експертите се повеќе предупредуваат на опасноста која демне да го сврти вниманието кон фактот дека нивното неодговорното однесување може да ги чини нивните животи, ако не и нивните, тогаш животите на нивните најблиски.
Сепак младите не се грижат многу, за што сведочат и бројните снимки и фотографии кои пристигнуваат од Европа. Во близина на Манчестер илјадници млади по пат на социјалните мрежи организираат за журки, а во Париз во паркот Боис де Винценес редовно се одржуваат илегални техно журки.
„Журките се клучни – вели еден од организаторите на парискиот собир, Антоан Калвино. Алкохолот слободно се продава, поради што и голем број од присутните забораваат на правилото за носење маски и социјална физичка дистанца.
Полицијата рутински се обидува да ги растури таквите забави на отворено, но постојано се организираат нови, што резултира со пораст на бројот на заразени со корона вирус помеѓу младите луѓе во многу земји.
Светската здравствена организација неколку пати ги повика младите да бидат одговорни, но тоа изгледа не влијае на младите. Светските експерти и понатаму предупредуваат на опасноста која демне.
„Иако е малку веројатно дека младите луѓе ќе страдаат од тешкиот облик на Ковид 19, тие можат да ги заразат за членовите на своите семејства“, вели Лотар Вилер, директор на германскиот институт за јавно здравје.
„Не сте непобедливи“
За разлика од првиот бран, во вториот бран многу држави забележале пораст на бројот на заболени помеѓу кои е опфатена и помладата популација, па така властите во Канада одлучиле да ги потсетат младите дека не се „непобедливи“ во борба против корона вирусот. Дека се во право, говори фактот дека во неколку француски крајморски градови, како Ница и Бијерица, воочен е пораст на заразени помеѓу кои и млади кои се забавувале во баровите или на приватни забави. Во последните две седмици помеѓу 40 до 50 отсто од новите заразени во Женева се поврзуваат со личности кои се забавувале во ноќните клубови и слични места на кои играат, се бакнуваат и гушкаат, изјавил епидемиологот Дидиер Питет. Властите во Швајцарија и во други земји на тоа одговориле со повторно затворање на ноќните клубови и барови или нивна работа со скратено работно време.
Јавните и големите ноќни клубови на Ибица не се отворени бидејќи регионалните власти одлучиле дека оние со поголем капацитет од 300 посетители поради сигурносни причини ова лето нема да работат.
„Младите е најтешко да се контролираат. Тие едноставно имаат желба да излегуваат, што е нормално“, изјавил Фернандо Димон од спанското министерство за здравство.
Тој истакнал дека можеби ќе биде потребно да се воведат и казни со цел младите луѓе да бидат приморани на почитување на правилата за одржување на физичка дистанца.
Природен имунитет
Предизвикот на сите држави е да пронајдат соодветен начин да се допре до младите и до нивната свест. Мариано Урало, социолог од мадридскиот универзитет, тврди дека укинувањето на карантинот младите го сфатиле како враќање на слобода. Градските власти на Мадрид снимиле видео со цел на младите да им покажат и да ги убедат дека корона вирусот мора да го сфатат сериозно.
Видеото почнува со кадар на група млади луѓе кои пијат пиво во еден бар, и притоа играат во ноќниот клуб. Во следната сцена се гледа пациент на респиратор, а завршната сцена прикажува крематориум.
Преземено од: https://www.telegraf.rs/