По повод 19 години од загинувањето на бранителите кај месноста Љуботенски Бачила во 2001 година денеска пред нивното спомен-обележје во скопско Волково ќе биде положено цвеќе од делегации од општината и армијата.
На 10 август 2001 година, воено товарно возило на Армијата на патот кај месноста Љуботенски бачила нагази на две противтенковски мини.
Животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, сите припадници на резервниот состав на Армијата од гарнизонот Скопје.