По 58-часовната блокада, комуналниот смет од гостиварската општина повторно се носи на депонијата Русино. Локалната власт и протестирачите постигнаа привремен договор со што се спречи трупање на отпад во градот и околните населби
Од Граѓанската иницијатива „Стоп Русино – чист воздух за Гостивар“ потврдија дека ќе ги пропуштаат само возилата на гостиварски Комуналец, додека забраната за другите комунални претпријатиа ќе важи и понатаму
До договорот се дојде откако Општина Гостивар исполни едно барањата: да се испрати документ со барање до Владата и Министерството за екологија за решавање на проблемот со депонијата Русино. Прекинот на блокадата, која започна од недела напладне, синоќа околу 22 часот ја потврди и директорот на ЈП Комуналец, Исак Љазами.
Од иницијативата нагласуваат дека на блокадата ќе останат до 12 август, бидејќи така најавиле и да го контролираат носењето на отпадот. Очекуваат да бидат исполнети сите нивни барања од надлежните органи. Нивната крајна цел е депонијата Русино да се затвори и да изгради нова според ЕУ стандарди.
Гостиварското комуналното претпријатие се соочи со проблем, откако три дена не можеше да транспортира смет на депонијата. Ѓубрето од контејнерите го складираше во една халите кои ги користи како магацин.
Во меѓувреме, градоначалникот на Гостивар, Арбен Таравари обвини дека околу протестите за „Русино“ има нечесни игри во кои политиката е силно мешана.
з. г. м.