По објавите во некои од медиумите, во кои пишува дека „10 милиони евра украле газдите од државната помош за исплата на минималец“, со појаснување и демант излегоа Генералниот секретаријат на Владата и Управата за јавни приходи.
-Управата за јавни приходи, на Прес конференција за медиуми одржана во Вторник, 28.07.2020, објави дека вкупно 281 работодавачи кои примиле финансиска поддршка за месец април 2020 во износ од 9.995.565 денари, не ја исполниле обврската за исплата на плата за 722 вработени, односно за месец мај вкупно 427 компании воопшто не исплатиле плата за 984 вработени, а добиле финансиска поддршка во износ од 13.698.998 денари.
Управата за јавни приходи податоците за обврзниците кои не исплатиле плата, а примиле финансиска поддршка, ги доставува до Генералниот секретаријат на Владата на Република Северна Македонија, односно и двете институции располагаат со исти податоци и иста сума на исплатена финансиска поддршка кон овие компании, стои во сооштението.
Објавено на: 07/30/20 7:15 PM