Штипјанец во еден ден успеал да украде две возила. На Полицијата не и требало многу време да го открие. Возилата се пронајдени и вратени.
„На 29.07.2020 во 09.39 часот во СВР Штип, К.М.(60) од Штип пријавил дека непознат сторител противправно му одзел службено патничко возило „фолксваген поло“, кое било паркирано на ул.„Маршал Тито“ во Штип,“ пишува во Полицискиот билтен.
По печиси 2,5 часа украл уште едно возило.
„Во 11.25 часот во Полициската станица Штип, С.Ч.(57) од Штип, пријавила дека околу 10.20 часот на ул.„Димитар Двојаковски“ со ул.„Драги Крупишки“ во Штип од непознат сторител противправно ѝ било одземано паркираното патничко возило „голф“,“велат од Полицијата.
По преземени мерки од страна на полициски службеници возилата се пронајдени кај Ј.С.(43) од Штип и со потврда вратени на сопствениците.
По документирање на случајот против него ќе биде поднесена кривична пријава.