Пејачката Нина Бадриќ на социјалната мрежа Фејсбук објави видео, преку кое им се обрати на властите. Со ова видео, таа ги замолува одговорните да им овозможат да работат на сите музичари. Бадриќ истакнува дека од нејзината работа не живее само таа, туку уште најмалку 15 семејства, додавајќи дека многу музичари во последните шест месеци останале гладни и сега едвај сврзуваат крај со крај.
„Имам потреба да кажам нешто во врска со целата оваа неволја што не’ снајде сите заедно. Моите песни и мојата работа не сум само јас. Моите песни ги чинат најмалку 15, ако не и повеќе луѓе, кои соработуваат со мене во мојата кариера уште од првиот ден. Ние луѓето што сме препознатливи во јавноста, како да носиме авион под кој стојат уште 15 фамилии за кои се грижиме сите овие години и финансиски и човечки и на секој друг можен начин. Тоа се луѓе кои вие можеби не ги гледате. За почеток, тоа е мојот бенд. Од луѓето кои не ги гледате тука се возачите, организаторите на концертите, луѓето што ја носат опремата, кои ги лепат плакатите, кои се занимаваат со односите до јавноста и работат за мене“, нагласува Бадриќ во видеото.
https://www.facebook.com/NinaBadricOfficial/posts/3745715092111595
„Ми се чини дека ние останавме единствената професија што е во карантин и дека не се донесени мерки или услови под кои ние музичарите би можеле да настапуваме, односно да си ја работиме нашата работа. Ова не е хоби, за сите оние кои мислат дека се шегуваме, ова не е една голема шега. Ова е исклучително тшка и одговорна работа, од која финансиски не зависам само јас. Од оваа работа зависи егзистенцијата на многу луѓе и веруваје дека многумина останаа гладни и буквално сврзуваат крај со крај. Го молам Министерството да се произнесе по однос на ова прашање и на нас музичарите, да ни создаде можности повторно да почнеме да работиме“, додава пејачката.