Според истражувањата на научниците од Универзитетот во Калифорнија во Сан Франциско, дијабетис мелитус може за 12 пати да го зголеми ризикот од смрт на лица кои имаат Ковид-19, пишува порталот „Медиакс експрес“.
Експертите откриле дека пациентите со коронавирус кои страдаат од дијабетис имаат шест пати поголема веројатност да имаат потреба од хоспитализација. Покрај тоа, самиот дијабетес е фактор на ризик за потешки форми на Ковид- 19.
Професорот Пракаш Дидванија од Универзитетот во Калифорнија потсетува дека дијабетисот ја намалува одбрамбената имунолошка функција на организмот и дека поради оваа болест, можни се бројни компликации, вклучително и заболувања на бубрезите, мозочен удар и инфаркт на миокардот.
Научниците апелираат лицата со висок шеќер во крвта да бидат во постојан контакт со лекарите.
На 11 март, Светската здравствена организација епидемијата на нов вирус корона, Ковид- 19, ја објави за пандемија. Според најновите податоци, до денес се заразени над 16,4 милиони луѓе во светот, од кои повеќе од 652 илјади умреле.
Извор: sputniknews.com