Португалскиот капитен, Кристијано Роналдо од денес е најдобар европски репрезентативен стрелец во историјата со 85 гола. Ѕвездата на Реал Мадрид постигна водечки гол за Португалија против Мароко, што е негов четврти погодок на Светското првенство во Русија.
Со овој гол асот на „кралевите“ го надмина легендарниот Унгарец Ференц Пушкаш, кој во периодот од 1945 до 1956 година постигна 84 гола за својата селекција.
Со преку сто гола на вечната листа на репрезентативни стрелци води Али Даеи од Иран.