Петнаесетгодино девојче од Авганистан смртно застрелало двајца талибански борци и ранила уште неколки од припадниците на радикалното исламистичко движење, откако тие ги убиле нејзините родители, изјавил вчера за АФП началникот на локалната полиција.
Инцидентот се случил во село во авганистанската провинција Гор. Талибанците влегле во домот на девојчето Камар Ѓул, барајќи го нејзиниот татко поради неговата поддршка за официјалната влада во Кабул. Го извлекле во дворот и го убиле, заедно со неговата сопруга која се обидела да го заштоти.
„Камар Ѓул, која се наоѓала во куќата, успеала да дојде до една автоматска пушка АК-47, која била скриена од нејзините родители, и прво застрелала двајца талибански борци, а потоа ранила уште неколку милитанти“, соопштил началникот на локалната полиција.
Заради заштита, авганистанските владини сили ги пренеле Ѓул и нејзиниот помлад брат на „побезбедно место“.
