Како да ѝ помогнете на личност која е во депресија? Доколку имате роднина, пријател или колега кој има депресија, помогнете му – советуваат психијатрите. Секако, лекарите ќе си го направат своето, но поддршката од околината е исто така многу важна.
Од исклучителна важност се разбирањето и љубовта. Доколку сакате некој и сакате да му помогнете, сигурно ќе забележите знаци доколку нешто не е во ред со таа личност. Психијатрите и психолозите сметаат дека знаците кои укажуваат на депресија се немање интерес за вообичаени активности, недостиг на волја, страв, но и отсуство на радост. Исто така, може да се јават физички проблеми како главоболка, болки во телото или проблеми со спиењето. На депресивните луѓе треба да им се помогне во насока на тоа повторно да ја најдат смислата на животот и да ја видат повторно радоста што ја носат дружбите. Важно е тие да имаат пријатно опкружување, така што музиката би можела да им биде од помош. На некои луѓе им значи да подготват оброк за своите најблиски. Поддржете ги и помогнете им да го најдат „своето место под сонцето“.
Кога една личност е депресивна, организирајте го својот живот така што ќе учествувате во нејзиниот. Поддршката е од драгоцено значење и таа, покрај советите на лекарите и лекарствата, може да придонесе кон позитивни промени во животот.
Извор: dominomagazin.com