Поради пандемијата, уписите на децата во детската градинка „Младост“, Тетово се одвиваат по електронски пат.
–Отворивме еден посебен маил каде родителите можат да аплицираат, тука има еден формулар кој треба да се пополни каде детето сака да се запише и слично. Откако ќе се пополни, ние му враќаме на родителот маил дали е неговото дете примено, па потоа родителот ги носи кај нас сите потребни документи кои се потребни за запишување на неговото дете, изјави Рамије Даути, директорка на ОЈУДГ Младост Тетово
Повеќе интерес има за детските градинки во градот. Во 5-те објекти можат да се сместат 570 деца.
-Мислам дека со отворањето на другите градинки во руралните општини ќе имаме повеќе деца, дека таму руралните општини ќе отвораат градинки и тука градинките во Тетово ќе се растеретат, рече Рамије Даути, директорка на ОЈУДГ Младост Тетово.
Од детската градинка Младост оваа година се испишаа 450 деца, кои од септември ќе бидат првооделенци.
Зоран Димовски