Сончево со мала до умерена облачност ќе биде времето денеска. Попладне во северозападните и во крајните источни делови ќе има локален пороен дожд и ретки грмежи. Ќе дува умерен до засилен ветер во западните делови од западен, а вдолж Повардарието од северозападен правец. Максималната температура до 29 степени. УВ=8.
Утре и задутре, според прогнозата на УХМР, ќе преовладува стабилно време со умерен до засилен северозападен ветер. Во попладневните часови ќе има услови само за изолирана појава на краткотраен дожд. Во почетокот на наредната седмица повторно на повеќе места ќе биде нестабилно со пороен дожд и грмежи.
