Откако во месец април годинава го објавија првиот сингл „Travelers“ за истоимениот деби албум, трите Велешанки Наталија Мејанџиева, Сандра Јорданова и Моника Ѓорѓиева кои се составот на македонскиот бенд „The Chicks“ , сега со ново музичко надополнување.
Имено, тие го промовираат вториот сингл „Бакнеж“ кој ќе се најде на албумот, а за новата музичка тема објавија и видео.
Видеото, девојките го снимиле сами со мобилен телефон, користејќи ја нивната креативност, поради неможноста со оглед на ограничувањата да биде изработен професионален видео запис.
Видеото е снимено на Велешкото езеро Младост, а идејата им била да покажат дека и во вакво време човек може да биде креативен и да твори.
Автор на музиката и аранжманот е Александар Чекреџи- Чекре, тeкст и аудио продукцијата се на Александар Ристовски- Принц, додека микс и мастеринг работеше Златко Симионски- Зеко, а видео го изработија „Тhe Chicks“.