Аферата „кипарски пари“, која тежи најмалку околу 3,5 милијарди германски марки во тоа време, до денес не доби епилог. Не е случајно, затоа што без траг исчезна обемната документација, полна со докази (дискови со докази и документи), што поранешната хашки обвинителка Карла дел Понте им ја предаде на тогашните власти во Белград, пред 17 години за моќни луѓе од сите структури, бизнисмени и политичари кои во 90-тите учествуваа во трансферот на државни пари во вреќи на Кипар.
Сите актери кои учествуваа во аферата „Кипарски пари“ или подоцна се обидоа да утврдат каде завршија државните пари што биле донесени на Кипар во 90-тите години, за време на санкциите, ги завршија своите животи или под сомнителни околности или беа убиени.
Со исклучок на Млаѓан Динкиќ, поранешниот гувернер, кој многумина го поврзуваа со парите, и Велимир Илиќ, кој беше назначен од српската влада во 2001 година за шеф на тимот да го расветли случајот.
Меѓу сите кои го изгубија животот поради аферата е и тогашниот премиер Зоран Ѓингиќ, кој ја иницираше потрагата за „кипарските пари“ и е убиен во март 2003 година.
Извор: republika.rs
Фото: espreso.rs