Од Кризниот штаб на Општина Тетово, сметаат дека мерките треба да се олабават, а граѓаните да внимаваат и да ги почитуваат здравствените препораки. Мораме да живееме со вирусот, но од друга страна мора и животот да се врати во нормала, вели првиот човек на Општина Тетово Теута Арифи
Таа очекува владата да ја укине и одлуката за забрана за организиран превоз од Тетово кон соседните општини и обратно.
Инаку во тетовскиот регион досега има евидентирано 176 лица заразени со коронавирус, од кои 80 се веќе излечени. Во Општина Тетово 84, Боговиње 47, Теарце 18 Брвеница 15 , Јегуновце 5 и Општина Желино 7 заразени лица.
Вчера во Тетово биле извршени тестови на дваесет и едно лице , од кои 18 биле контролни, а 3 на граѓани кои имале контакти со заразени лица. Сите тестови биле негативни.
СВР Тетово информира дека во текот на овие денови издадени се 52 налози за непочитување на правилата за заштита, како носење на заштитни маски од страна на граѓаните.
Зоран Димовски