Од шест до девет месеци ќе траат градежните работи во Државниот пат А2 – потег од БС Виена Петрол/Куманово до с. Страцин, информираат од АМСМ, од каде од денеска Компанијата Виадукт трејд ќе почне со градежни активности во должина од 16 км, со што на наведениот пат ќе се изврши промена на режимот на собраќај.
Од АМСМ информираат дека сообраќајот на државните патишта се одвива по суви коловози, односно препорачуваат прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Исто така од АМСМ информираат дека сите гранични премини за излез од држават се затворени за македонските државјани, односно затворени се сите гранични премини за влез во државата за странски државјани, патници и возила, освен за транзит на товарни возила, за претставници на дипломатскиот кор и тие кои што ќе добијат соодветна дозвола од страна на МВР, а по претходно добиено мислење од страна на главниот координативен штаб.