Фолк ѕвездата Сузана Гавазова вчера го промовираше спотот за новата песна „Апсолутно мој“, кој го снимаше во Скопје, Струмица, Виница и ви Ќусѕтендил, Бугарија. Непосредно по промоцијата во коментарите покрај честитките се напиша и дека песната е крадена.
-Да нема забуни. Да појаснам. За оваа песна текстот го напиша Орце Зафировски а музиката е на романскиот пејач Богдан Делаплоиести и јас ја купив од него. Авторските права ми се платени, имам документ за тоа и потпишан договор. Кога ја слушнав многу ми се допадна,весела позитивна и се пее за искрена љубов. Е сега да не се појавуваме јас и Јасмин во спотот, вљубениот пар се моделите Кристина и Даре. Снимавме со продукција „Ин“ на неколку места, а бидејќи во неа се пее за искрена љубов, во еден сегмент во спотот ги ставив мајка ми и ќерките, кои беа со мене на снимањето. Се појавуваат и двајца музичари, Сандрито Даниелов, со кој се снимани деловите во Ќустендил и Амза Таиров од Виница, кој свири клавијатура. , ни рече Сузе.
Емели и Селена дел од спотот на мама- ќерките на Сузана Гавазова
Таа откако е почната пандемијата, како и сите пејачи нема настапи, но секоја сабота прави лајф свирка со порака „седете дома“.
-Ќе полудам ако не пеам. А и ги навикнав луѓето секоја сабота да пеам, па и нив и мене ми е убаво. Ова што го правам не го правам за публицитет туку за себе и за луѓето. Затворени сме а многу од луѓето кои ги познавам ми велат дека психички веќе не можат да издржат. И ние останавме во станот во Струмица, не успеавме да стасаме да отидеме кај моите во село Сушица, има двор и за децата е многу поубаво. Во ова време-невреме само песната може да биде лек. А мене само пеењето многу ме прави среќна. Што друго да правам, тоа ми е вентил, вели пејачката.