Mенаџерот на Манчестер Јунајтед, Оле Гунар Солскјер, не го вклучува напаѓачот Алексис Санчез во неговите планови за следната сезона. Чилеанецот во моментов е на позајмица во Интер, но „нероазурите“ нема да ја платат откупната клаузула и тој мора да се врати на „Олд Трафорд“.
Солскјер пред извесно време изјави дека е подготвен да му даде уште една шанса на Санчез, но според „The Athletic“, тренерот веќе се предомислил и нема намера да се потпира на 31-годишниот играч.
Сепак, ова го става Јунајтед во многу комплицирана ситуација. Клубот ќе мора да бара нов напаѓач. Санчез прима 400.000 евра месечно и е најплатен играч на „црвените ѓаволи“. Неговата висока плата ќе одврати многу клубови кои првично се заинтересирани за неговите услуги.
Во исто време, Јунајтед планира да ја понуди „седмицата“ на нивната главна трансфер цел – Џејдон Санчо, што е уште еден показател дека Санчез не е во плановите на тренерскиот штаб.