На денешен ден пред четири години си замина легендарниот југословенски актер Велимир Бата Живојиновиќ, познатиот Валтер. Доби улица во Белград и во Ниш, но ништо не се направило во местото Корачица, во близината на Младеновац, кое го прославил и кое секогаш го споменувал. Бата денес им недостасува на сите, но сепак, најмногу на неговото семејство, ќерката Јелена, синот Миљко, кој се уште живее во Париз.
-Ова е прв помен за татко ми, на кој нема да присуствува нашата мајка Лула, а последен кој ќе се одржи во Белград, со оглед на тоа што наскоро неговото тело ќе го пренесеме покрај неговата сакана сопруга во Корачица. Тоа е нешто што тие двајца одсекогаш го сакале- да почиваат заедно. Сестра ми Јелена и јас не сме во можност да дојдеме, иако тоа многу го сакавме. Ќе дојдат наши блиски пријатели и роднини, а пред се мојата ќерка Дина, која единствена од внуките ќе биде, за да достојно се одбележат четири години откако Бата не напушти. Сето ова време тој е со нас, во нашите мисли и молитви, изјавил негвиот син Миљко.
Бата, како сите го викаа, е рекордер по бројот на улогите – околу 300 главни и епизодни, а беше познат и по тоа дека никогаш не одбил улога. Публиката секогаш ќе се сеќава на партизанските филмови снимани во 60тите и 70тите години како: Валтер од “Валтер го брани Сараево”, Хајрудин Крвавац во “Битката на Неретва” и “Козара”- Вељко Булајиќ, како пијаниот Загорец од “Бреза”…
Текст: alo.rs