– Неправедно е целата вина да се фрла на стечајните управници и стечајните судии. Каде се директорите и органите на управување кои ја упропастиле фирмата и ја довеле во стечај? Досега нема никој од нив што завршил во затвор – вели правниот консултант за стечај и поранешен стечаен судија Дејан Костовски,кој беше гостин во емисијата Стадион.
Според него неопходна е итна имплементација на европските директиви и реформа на стечајната регулатива, со што ќе се подигне одговорноста на директорите, но и ќе се заштитат фирмите од доверителите, за да може стечајот навистина да биде спас и заштита, а не сигурна смрт за бизнисот.
Стечајниот управник нема можност и надлежност да рестартира фира. Погрешно е таквото мислење и видување, може да направи план за реорганизација , но за тоа мора да има инвеститор тоа да го финансира, потенцира Костовски.