48 издание на Мајските оперски вечери годинава за првпат ќе се следи онлајн. На официјалниот YouTube канал на НОБ ќе се емитуваат 10 продукции од Националната опера и балет, 8 оперски и 2 балетски.
Стартот на 9-ти мај е закажан за дигиталната премиера на новата продукција на операта „Кармен“, на 12-ти мај ќе биде одиграна балетската претстава „Рајмонда“, на 15-ти мај „Турандот“, на репертоарот на 17-ти мај е предвидена претставата „Кавалерија Рустикана“ и оперскиот концерт по повод 70 години од оперската уметност.
На 19 мај е балетскиот концерт „Балетски бисери“ а на 22 мај операта „Фауст“.
На 24 мај, по повод празникот „Св. Кирил и Методиј“, љубителите на оперската уметност ќе има можност да ја проследи операта „Лидија од Македонија“ од Ристо Аврамовски. Операта „Адријана Лекуврер“ ќе биде емитувана на 26 мај, а операта „Травијата“ на 29 мај.
За крај на „Мајски оперски вечери“ традиционално, на 31 мај ќе се емитува операта „Аида“
Според директорот на Националната опера и балет, Васо Ристов, Мајските оперски вечери се крстопат на цивилизации и култури од целиот свет.