Сезонските работници од Романија беа пренесени во Велика Британија на специјалниот чартер лет во четвртокот вечер за да помогнат во пополнувањето на огромен недостаток на работници за да одберат овошје и зеленчук на фармите во земјата.
Авионот од Букурешт, слета на аеродромот Стенстед во близина на Лондон, околу 17 часот, со 150 лица од Романија. Работниците потоа се однесени со автобус до фармите во Мидлендс и Југоисток.
Фармите низ цела Европа се соочуваат со акутен работен дефицит како резултат на забраните за патувања воведени од средината на март, во текот на избувнувањето на коронавирусот . Земјоделците се длабоко загрижени за скапувањето на земјоделските култури, зголемувањето на цените и недостигот на свежо овошје и зеленчук.
Велика Британија го следи примерот на Германија , каде од 2 април во тек е програма со која се дозволува пристигнување на 80.000 мигранти-работници во текот на два месеци. Реализирани се вкупно 13 летови во последните три недели со сезонски работници, од кои изминативе изминативе денови. Пристигнаа вкупно 18.740 работници од Романија и Бугарија во Германија.
Работниците летаат во Германија во контролирани групи за да ја спречат можната инфекција на другите на патот, и се приложени на лекарски преглед по пристигнувањето. Потоа, тие мораат две недели да живеат и да работат одделно од другиот персонал и да носат заштитна опрема.
Објавувајќи ја програмата, германскиот министер за земјоделство, Jулија Клиокер, рече дека станува збор за „прагматично и насочено решение“. Таа рече дека надежта е да се најдат дополнителни 20,000 работници во текот на следните два месеци меѓу германските невработени, студенти или баратели на азил во Германија.
Ова е прв пат ACS да превезува сезонски работници, кои обично патуваат со веќе запрените трговски услуги како што се Изиџет и Рајанеир. Авионската карта чини приближно 250 фунти (310 $), што е двојно повеќе од цената за седиште во буџетската авиокомпанија.
Во моментов, велат експертите за труд, на фармите во Велика Британија им требаат 90.000 луѓе за да пополнат местата што обично ги вршат сезонски мигранти. Илјадници луѓе се потребни во следните неколку недели, бидејќи сезоната на берба за повеќето фарми и земјоделски култури започнува од мај.
„Обезбедувањето со работници на фармите е апсолутно важно за Велика Британија да ја помине оваа пандемија“, вели Дона Холанд од добротворната организација Конкордија , водечки снабдувач на земјоделски работници. Конкордија работи на привремено обезбедување на околу 10,000 работници – половина од ЕУ, а остатокот од Русија, Молдавија, Белорусија, Грузија и Барбадос.
Конкордија, заедно со двајца други даватели на работна сила, започнаа кампањата „Feed the Nation“ на 20 март, која има за цел да регрутира луѓе во Велика Британија. Досега повеќе од 36.000 луѓе се пријавиле на Конкордија, од кои половина изгубиле работа заради појавата на корона вирусот, вели Холанд. Но, само 16 проценти се одлучиле да го направат интервјуто преку Интернет. Од 900 лица понудени работни места во изминатите 10 дена, само 112 прифатија договори за вработување.
Самуел Масе, производител на вино во Југот на Франција, се надева дека неговата земја ќе го следи водството на Велика Британија и Германија. На Франција и се потребни 200.000 работни места на опфатените фарми, што обично ги преземаат работници од Источна Европа, како и од северноафриканските земји како Тунис. Бидејќи нејзините граници остануваат затворени, владата ги повика невработените граѓани да ја покриваат работата на фармите.
„Тоа е криза за винскиот бизнис и многу други сектори“, рече Масе, потпретседател на Европскиот совет на млади земјоделци. „Ни требаат земјоделци со одредени вештини кои често доаѓаат од Источна Европа, затоа ни треба можност да доаѓаат странски работници“, рече тој.
Во Велика Британија, многу фарми се бореа со огромен недостиг на работна сила уште пред пандемијата. Комбинацијата на затегнување на пазарот на трудот и растот на ксенофобична јавна реторика во Велика Британија околу Брексит , доведе до пад на бројот на сезонските работници, кои доаѓаат во Велика Британија.
Според новиот систем засновани на имиграција на британската влада, само квалификувани работници од ЕУ ќе имаат право на најмногу работни места од 1 јануари 2021 година. Предлог исклучок беше да се прошири сезонската шема на земјоделски работници, од понуда на 2.500 визи годишно до 10.000. Сепак, одредбата е драстично помалку од 70.000 до 80.000 мигранти работници доведени во земјоделскиот сектор во земјата на годишно ниво, претежно според правилата за слободно движење на ЕУ.
„Секој има свое политичко гледиште за имиграцијата. Но, реалноста е дека е потребно слободно движење на работниците во земјоделството. Веќе можеме да видиме дека ако пресечеме дел од овој систем, сè ќе се распадне“, рече Масе.
Тој верува дека недостигот на работна сила предизвикана од пандемијата ќе биде строг потсетник за владата на Велика Британија за тоа како нејзините фарми зависат од странските работници. Масе изјави: „Кризата со која се соочуваме во моментов може да и’ покаже на Велика Британија каков вид на ситуација што ќе се случи по Брекзит“.
Ал Џазира