Во ова време-невреме меѓу сите лоши вести убаво е да се слушне нова песна, која е посветена токму за сега, кога најмногу од се треба да размислуваме за животот. А песната е „Еј животе“, која пред неколку дена ја промовираше Дарио. Музиката и текстот на „Еј, животе“ се авторско дело на Дарио, а аранжманот го направи Кристијан Габроски. Песната се уште нема видое запис, но и аудио верзијата на Јутјуб е доволна за да се стави на преслушување во ова вонредно време што го живееме.
Се подготвуваат и нови песни, Дарио и Криситјан
-Ова е новата песна, песна за животот. Се надевам дека во овој тежок период за сите нас, луѓето ќе се пронајдат себе си и ќе уживаат во неа. И здравје Боже, кога сето ова ќе заврши заедно да ја пееме на концерти. Ова лудило мора да заврши, како што велам во песната- „Еј животе, колку бол (и полициски час) ни донесе,а прекрасен си покрај се“. И навистина е така, животот е суров и прекрасен, тажен и радосен, со победи и порази, вели Дарио.