Кина не пријави ниту смртен случај од коронавирус во последните 24 часа, првпат откако во јануари годинава почна да ги објавува дневните анализи. Националната здравствена комисија соопшти дека во земјата вчера имало 32 нови случаја на Ковид-19, но сите биле дојдени од странство.
Од декември лани, според владините податоци, досега починале 3.331 лице и имало 81.740 заразени. Од утре, на жителите на Вухан повторно ќе им биде дозволено да излезат од градот, првпат откако тој беше ставен во карантин во средина на јануари.