По пример на Италија, која најмногу ги почувствува поседиците од коронавирусот, Сојузот на синдикати на Македонија (ССМ) предлага прогласување на мораториум на сите договори за вработување поради економски, организациони, технолошки и други причини.
Овој предлог во гостувањето во емисијата Стадион на Канал 77, го образложи претседателот на ССМ, Дарко Димовски.
-Оваа мерка е применета за да не дојде до несовесно отпуштање на работници. Некои несовесни работодавачи ова го користат да отпуштат работници. Исто така предлагаме исплата на бруто платите без никакво намалување, со одлагање на плажање на придонесите. Никој не може да ме убеди дека работодавачите не можат да исплатат плата, барем во првиот месец. Тие имаат капитал, изјави Дарко Димовски.