Кина го помина шпицот на епидемијата на коронавирус, соопштила денеска Националната здравствена комисија.
Во Кина бројот на новозаразени дојде на најниско ниво откако епидемијата изби. Во најтешко погодената провинција Хубеи и нејзиниот главен град Вухан беа најголем дел од вкупно 80.790 заразени и 3.169 починати во Кина.
СЗО ја прогласи епидемијата на коронавирус, која се прошири во најмалку 114 земји, за пандемија, а Италија ги заостри мерките на карантин, а САД воведоа забрана за летови од и кон Европа. Повеќе од 126.000 се заразени на глобално ниво, според СЗО. Од нив, 68.000 оздравеле.