Супермаркетите во Велика Британија го ограничиле купувањето на одредена стока која може да се купи за да се спречи панично купување поради коронавирусот, поради кое во некои продавници доведе до празнење на рафтовите.
Ограничена е продажбата на средства за дезинфекција на раце, антибактериски марамчиња и тестенини, објави Business Insider, и додава дека е одреден лимит за купување клучни намирници и средства.
Минатонеделното истражување на пазарот покажало дека секој 10 жител на Велика Британија прави залихи на храна и други материјали, иако британскиот главен научен советник, Патрик Валанс, изјави дека нема причина за складирање на добра за време на кризата.
Супермаркетите Asda, Waitrose и Tesco, како и аптеките Boots, поставиле ограничувања за купување на средства за дезинфекција на раце, при што повеќето ги ограничуваат на две по лице, било да е при купување во продавница, било да е при купување на интернет.
Најголемиот ланец на супермаркети тешко го ограничил и купувањето на максимум пет парчиња поединечни намирници и распродал сушена паста преку интернет. Онлајн продавницата Ocado го ограничила купувањето на две пакувања тоалетна хартија по човек.
Портпаролот на британската влада за BBC изјавил дека е во контакт со супермаркетите за да разговараат за нивниот одговор на коронавирусот.
Досега, четири лица починаа од коронавирусот во Велика Британија, а се разболеа 319.
Извор: denar.mk