Јапонецот Читецу Ватанабе,најстариот маж во светтот,а кој велеше дека тајната на долговечноста е во смеењето, почина во 112. година од животот. Тој на 12 февруари го прими сертификатот од Гинисовата книга на рекорди, од кога е и фотографијата на Читецу со широка насмевка и крената песница.
Но, во последните денови Ватанабе не можел да јаде, а на неколку дена пред смртта имал и тешкотии со дишењето, пренесува АП.
Ватанабе оставил зад себе пет деца, 12 внуци, 16 правнуци и еден пра-пра внук, пишува весникот “Маиниќи“.
Тој е роден во префектурата Нигата на северот на Јапонија во 1907 година, а во Тајван работел 18 години. По враќањето во Нигата, работел во владата на таа префектура до пензија.
Гинисовата книга на рекорди упати сочуство до семејството на Ватанабе. И најстарата жива жена е, исто така, од Јапонија – 117-годишната Кане Танака.