Украински патнички авион се урнал синоќа веднаш по полетувањето во близина на аеродромот „Имам Хомеини“ кај иранскиот главен град Техеран, јавува агенцијата ФАРС. Во авионот имало околу 180 патници и членови на екипажот, а, според првичните информации, веројатно нема преживеани.
Се претпоставува дека несреќата била предизвикана од механички проблеми. Трагедијата се случи неколку часа откако Иран изврши балистички ракетни напади насочени кон две бази во Ирак, во кои се распоредени американски сили. Тоа, како што се наведува во Техеран, било одмазда за убиството на генералот на Револуционерната гарда Касем Солејмани. ББС пишува дека нема нформации за евентуална некаква поврзаност на двата случаја.