Поранешниот градоначалник Тони Трајковски, утрово не се појави на судењето во случајот ТНТ во кој е обинет за незаконското уривање на комплексот Космос затоа што бил во болница откако вчера двајца го нападнале и го натепале.
Неговиот адвокат Јовица Страшевски рече дека синоќа Трајковски бил примен во Ургентниот центар, а потоа на Клиниката за неврохирургија.
– Неговата состојба е многу лоша, тешко зборува, повраќа, не е ориентиран, не е комуникативен, рече Страшевски.
. Обвинителот Бурим Рустеми бара сега раздвојување на постапката за Трајковски и уште тројца обвинети.
Адвокатот Мерџан Даути побара одлагање на судењето поради возраста на поротничката Лилјана Ивановска-Кочовска, која треба да замине во пензија. Тој смета дека ќе има суштествена повреда во судењето доколку судењето продолжи.