Во тетовска Вратница викендов беше одбележана 75 годишнината од падот на американски воен авион при што се загинати шест војници, а тројца се спасени од мештаните. Одбележувањето се одржа пред споменикот посветен на американските војници во Вратница, како и со планинарски марш до местото каде паднал авионот.
-Нејзината екселенција Амбасадорот на САД во Македонија, Кејт Мари Брнс, имаше можност да го посети споменикот на загинатите војници што се наоѓа во дворот од црквата Света Петка во Вратница, и да слушне овеќе за храбриот потег на Вратничани кои успеале да ги спасат преживеаните. Следеше планинарски марш до местото Сл’бица на околу 1600 метри надморска височина, каде што паднал авионот, а воедно и дружење со жителите на Вратница и гости – љубители на природата. Амбасадорката и претставници на Амбасадата беа воодушевени од природните убавини. Посетата на амбасадорката на САД на Вратница беше по иницијатива на Душан Синадиноски, еден од авторите на книгата „Вратничка Енциклопедија, информираат од месната заедница Вратница.
На 26 август 1944 година американскиот авион „Наша Љубов” жителите на Вратница го забележале како гори во воздух.
– Сите биле на работа по нивите. Кога виделе дека паднал кај Ливадица, сите ги оставиле работите и отишле да им помогнат. Тројца биле под авионот загинати и изгорени, а тројца паднати на околните дрвја. Тројца биле повредени па им помогнале со повредите. Потоа дошле бугарски војници и ги одвеле. По ослободувањето еден од преживеаните дошол заедно со семејствата на војниците кои загинаа. Ги зедоа посмртните останки кои беа кај црквата, вели Живе Кировски Вратница.
На 26 ноември 2014 спомен плочата во Вратница ја отктрија тогашниот американскиот амбасадор Пол Волерс и тогашниот министер за одбрана Зоран Јолевски.
МИА