Маж со инвалидитет падна од инвалидска количка од тротоар обидувајќи се да заобиколи непрописно паркиран автомобил на тротоарот во центарот на главниот град на Црна Гора, Подгорица.
Слика слична и на други балкански градови, само што од ова е направена и фотографија објавена на Фејсбук, која ги разбесни и Црногорците, поради односот на возачот на автомобилот, а и жители на соседните земји, каде што, исто така, фотографијата доби публицитет на социјалните мрежи.
На паднатиот маж му била укажана помош од минувачи и не е повреден од падот.